दि १३/१/२०२३ रोजी जन ग्रामीण सेवा संस्थेच्या वतीने अल्पोहार चहापानचे वाटप'

महाराष्ट्र राज्य ही संताची भुमी या भुमीवर खुप संत होवुन गेले,हजारो-लाखो वारकरी संप्रदाय भक्त पायी दिंडीला जात असतात भिवंडी ग्रामीण व वाडा अंबाडी कुडूस भागातीलही वारकरी पायी दिंडी काढुन खंडेश्वरी नाका मार्गे वाडा शहरातून त्र्येबकेश्वर येथे जात असतात म्हणून वाडा तालुक्यातील खंडेश्वरी नाका येथून जाणारया वारकरी संप्रदायांना आज जन ग्रामीण सेवा संस्थेच्या वतीने संध्याकाळी खंडेश्वरी नाका येथे वारकरी संप्रदाय भक्तांचे स्वागत करुन अल्प आहार व चहापानाची सोय केली त्यावेळेस संस्थेचे अध्यक्ष अनंता वनगा,सदस्य अध्यक्ष जगदीश केणे,संजयजी भानुशाली,दयानंद हरल,लोकेश खत्री,शिक्षक राजेद्र टबाले,अजय कोंब वारकरी संप्रदायांच्या सेवेशी उपस्थित होते!

दि १६-१-२०२३ रोजी वाडा तालुक्यातील ऐंनशेत मधील पेठरांजणी येथे जन ग्रामीण सेवा संस्था वाडा यांच्या वतीने गरजुंना कपडे वाटप करताना सदस्य

श्रीराम नवमीच्या निमित्ताने जन ग्रामिण सेवा संस्था वाडा व द्रोणा फाऊंडेशनच्या वतीने लोहपे येथे आरोग्य शिबिराचे आयोजन

आज दि. ३१ मार्च २०२३ रोजी वाडा तालुक्यातील लोहपे येथे राम नवमीच्या निमित्ताने जन ग्रामिण सेवा संस्था वाडा यांच्या सौजन्याने द्रोणा फाऊंडेशन ट्रस्ट संचालित राजमाता जिजाऊ धर्मदाय रुग्णालय अंबाडी व आदिवासी मुक्ती मोर्चा सामाजिक संघटना लोहपे ,केळठण , निंबवली गाव कमिटी आयोजित आरोग्य शिबिराचे आयोजन करण्यात आले होते. या शिबिराच्या उद्घाटन प्रसंगी आदिवासी मुक्ती मोर्चा सामाजिक संघटना लोहपे - केळठण - निंबवली गाव कमिटीचे आदेश पाटील , नितिन पवार , सुभाष जाधव , संदिप पाटील , विनोद फऱ्हाड , निवृत्ती फऱ्हाड, सुभाष गायकर , अस्मिता पाटील , तसेच राजमाता जिजाऊ धर्मदाय रुग्णालय अंबाडीचे डॉ. गीतांजली पवार , डॉ. किर्ती पाटील , रितेश शेलार , प्रिया पाटील , सानिका भोईर , सतिष बुकले , रेश्मा पवार , कविता रांदडा , मयुरी गावित , अश्विनी बेनके , अपर्णा पागी इत्यादी उपस्थित होते. या शिबिरात किडणीवरील आजारावर तपासणी , त्वचेच्या आजारावर तपासणी , मोफत ECG ( हृदयाची तपासणी ) , गरोदर मातांची तपासणी , लिव्हर वरील आजारावर तपासणी , मोफत Blood Suger ( रक्त शर्करा तपासणी ) , नवजात बालकांची व लहान मुलांची तपासणी , अंगदुखी , सांधेदुखी , मोफत आरोग्य तपासणी , ब्लडप्रेशर , डायबिटीस, थॉयरंईड , व इतर आजारांची तपासणी करण्यात आली. या शिबिरास आदिवासी मुक्ती मोर्चा सामाजिक संघटनेचे पालघर जिल्हा कमिटी अध्यक्ष तसेच जन ग्रामिण सेवा संस्था वाडा उपाध्यक्ष श्री. अरुण खुलात , आदिवासी मुक्ती मोर्चा सामाजिक संघटनेचे पालघर जिल्हा कमिटी संघटक तसेच जन ग्रामिण सेवा संस्था वाडा खजिनदार श्री. नितिन दळवी व सदस्य मनोज गडग यांनी भेट दिली. या आरोग्य शिबिरात १०५ रुग्णांनी लाभ घेतला, शिबिर यशस्वी करण्यासाठी आदिवासी मुक्ती मोर्चा सामाजिक संघटनेचे लोहपे केळठण निंबवली गाव कमिटीच्या सर्वच सदस्यांनी मेहनत घेतली. कमिटीच्या वतीने जन ग्रामिण सेवा संस्था वाडा , द्रोणा फाऊंडेशन ट्रस्ट संचालित राजमाता जिजाऊ धर्मदाय रुग्णालय अंबाडी यांचे आभार मानण्यात आले.

दि १२/६/२०२२ रोजी रक्तदान शिबीर वाडा शहरातील खंडेश्वरी नाका येथे जन ग्रामीण सेवा संस्था वाडा यांच्या वतीने रकतदान शिबीर

दि ७-६-२०२३ *भिवंडी ग्रामिण विधानसभा मतदार संघात येणारया वाडा तालुक्यामधील पां जा हायस्कूल वाडा येथे १० वी पास झालेल्या तसेच ऐंनशेत पेठरांजणी येथे राहत असलेल्या, कु अंकिता मूकेश हरळ..55.80% कु प्रतिक्षा रविंद्र सरडे..55.60% कु जॉय दयानंद हरळ..44.40% या विद्यार्थांचा पेन देवून अभिनंदन केले व पुढील शिक्षणाकामी शुभेच्छा देताना जन ग्रामीण सेवासंस्था वाडा अध्यक्ष अनंता वनगा,तसेच वकील श्री किरण भोईर,ऎनशेत ग्रामपंचायतचे सदस्य व आदिवासी मुक्ती मोर्चा सामाजिक संघटनेचे वाडा तालुका कमिटीचे अध्यक्ष दयानंद हरल व वाडा शहर पदाधिकारी प्रकाश हरल उपस्थित होते*

दि २०-५-२०२३ रोजी महाराष्ट्राचे मुख्यमंत्री मा एकनाथजी शिंदे साहेब यांची बोईसर येथे भेट घेतली!

डहाणू तालुक्यातील धानिवरी गावात आदिवासी समाजाच्या कुटूबीयांना त्यांच्या स्वतच्या राहत्या घरातून प्रशासनाने महिलांना जबरदस्तीने अंगावरील कपडे निघेपर्यत फरफटत बाहेर काढले व घरे पोक्लेनने तोडली,एक महिना झाल्यावरही कार्यवाही झाली नसल्याने जिल्ह्यातील संघटना एकत्र येवून त्यांच्या प्रतिनिधींनी मा मुख्यमंत्री महोद्यांची भेट घेवुन सविस्तर सांगितले!

दि १५-१-२०२३ रोजी वाडा तालुक्यातील सोनाळे गावठाण येथे आमची वसई सामाजिक संस्थेच्या सहकार्याने तसेच ग्रामीण सेवा संस्था वाडा यांच्या वतीने गरजुंना कपडे वाटप करणेत आले!

आज 27 मार्च २०२२ रोजी म्हसेपाडा ह्या अतीदुर्गम भागात CIRCOR च्या माध्यमातून तसेच साने गुरुजींच्या प्रेरणेने स्थापित राष्ट्र सेवा दलाच्या साथीने शैक्षणिक साहित्य,संगणक वाटप तसेच ज्ञानशाळेचा प्रारंभ करतांना विशेष आनंद झाला.....याप्रसंगी राष्ट्र सेवा दलातील आमचे सहकारी प्रफुल्ल दादा मोहिते यांचे विशेष सहकार्य लाभले. सोबतच 2014 पासून ह्या पाड्याच्या विकासासाठी विशेष मेहनत घेणारे आमचे मित्र जन ग्रामीण सेवा संस्था वाडा यांचे अध्यक्ष अनंताजी वनगा, पत्रकारमित्र मच्छिंद्रजी आगिवले यांचीही साथ लाभली. कोविड काळाच्या एक वर्ष आधीही आमच्या राष्ट्र सेवा दलाच्याच माध्यमातून सदर पाड्यावर संसारोपयोगी व शैक्षणिक साहित्य दिले गेले होते. तोच आनंद व समाधान आजही मिळाले!! आभार!

आपल्या वाडा शहरातील जागृत देवस्थान श्री चेडोबा देव प्राणप्रतिष्ठापना,कळसरोहण व "दैवज्ञ भवन" वास्तु उद्घाटन सोहळा मार्गशिष पौर्णिमा शके १९४३ रविवार.दि १९ डिसेंबर २०२१ रोजी संपन्न होत आहे, दैवज्ञ ब्राम्हण समाजाच्या वतीने मलाही निमंत्रण देण्यात आले! सर्वांचे धन्यवाद.

मोखाडा तालुक्यातील शेंड्याचीमेट येथील मा. आमदार किशन कथोरे माध्यमिक व उच्च माध्यमिक हायस्कुल येथे शैक्षणिक साहित्य वाटप.

दि २५/७/२०२१ रोजी मोखाडा तालुक्यातील मा.आमदार किसन कथोरे माध्यमिक व उच्चमाध्यमिक विद्यालय शेंड्यांचीमेट या संस्थेच्या शाळेला जन ग्रामिण सेवा संस्था वाडा चे अध्यक्ष अनंता वनगा यांनी भेट दिली होती त्या शाळेच्या मुख्याधापक सोनु भोये सरांशी चर्चा केली असता शाळेसाठी शैक्षणिक साहित्याची गरज आहे असे भोये सरांनी अनंता वनगा यांना सांगितले , सदर शाळेला मदत मिळावी असे अनंता वनगा यांनी सोशल मिडियावर आवाहन केले होते, ही पोस्ट वाचुन पालघर जिल्ह्यात सामाजिक क्षेत्रात अग्रेसर असणारी आमची वसई सामाजिक संस्थेने या शाळेतील १५० विद्यार्थांना शैक्षणिक साहित्य देण्याचे ठरवले व आज शनिवार दि. ३१/७/२०२१ रोजी मोखाडा तालुकयातील अतिदुर्गम शाळेतील ६ वी ते १० वी च्या 150 विदयार्थीना १) 200 पानी लांब वह्या 1800 नग २) पेन 300 नग ३) फुलस्केप पेपर 2 बंडल ४) प्लेन फुलस्केप 2 बंडल ५) झाडू 5 नग ६) खराटे 5 नग ७) ब्लॅक बोर्ड 5 नग ८) 150 स्कुल बॅग ९) 5 डस्टर १०) खडू 5 बॉक्स असे साहित्य वाटण्यात आले आणि ९ वी १० वी च्या मुलींना sanitry pad ही दिले. तसेच गावातील महिला, पुरुष , लहान मुले , मुली यांना कपडे सुद्धा देण्यात आले. या कार्यक्रमास आमची वसई सामाजिक संस्थेचे रुग्णमित्र राजेंद्र ढगे, दुर्गमित्र पुरुषोत्तम देवधर, साई पाटील, हिम्मत घुमरे, ईश्वरी घुमरे, केशव भावसार, रोशनी वाघ, मधुबाला सिंग, सुरेखा सावंत, महेश पेंडसे, पुष्कर करंदीकर, शर्वरी बापट, अनिल भालेराव, पल्लवी पवार, रुचिता रेडकर, सचिन पाटील, गौरी जांभेकर, दीप देवधर, मल्हार वाघ इत्यादी पदाधिकारी उपस्थित होते. तसेच जन ग्रामिण सेवा संस्था वाडा चे अध्यक्ष अनंता वनगा,उपाध्यक्ष व नगरसेवक अरुण खुलात व वकील किरण भोईर साहेब तसेच शाळेचे संचालक मंडळही उपस्थित होते. यावेळी शेंड्याचीमेट ग्रामस्थ व ग्रामपंचायत सदस्य राम भोये यांनी आमची वसई सामाजिक संस्थेच्या व जन ग्रामिण सेवा संस्था वाडा च्या पदाधिकाऱ्यांचे आभार मानले. यापुढेही आमच्या विद्यार्थांना काही अडचण आल्यास अनंता वनगा साहेबांना आम्ही कळवु असे शाळेचे मुख्याधापक सोनु भोये व ग्रामपंचायत सदस्य राम भोये यांनी सांगितले.

आज दि.१९ /०९/२०२० रोजी जन ग्रामिण सेवा संस्था यांच्या मार्फत गरजु विद्यार्थांना शैक्षणिक साहित्य वाटप....

वाडा गांधरे गावातील सिताराम ठाकरे यांचे निधन ५ वर्षापुर्वी झाले होते,त्यांच्या पश्चात त्यांची पत्नी व तिन मुले आहेत. गरीब परिस्थिती असल्याने मोलमजुरी करुन मुलांचे शिक्षण व आपल्या कुटुंबाचे उदरनिर्वाह श्रीमती - सरिता सिताराम ठाकरे ( वय - ४५) या करतात. मुलांना शिक्षणाची आवड आहे पण शैक्षणिक साहित्य घेण्यास त्यांना मदतीची गरज आहे असे समजताच जन ग्रामिण सेवा संस्थेचे अध्यक्ष अनंता वनगा व उपाध्यक्ष अरुण खुलात यांनी कु. वैष्णवी सिताराम ठाकरे इयत्ता - ८ वी, कु. वैशाली सिताराम ठाकरे इयत्ता - ६ वी , कु. भावेश सिताराम ठाकरे इयत्ता - ४थी , या तीन विद्यार्थांना शैक्षणिक साहित्य वाटप केले हे विद्यार्थी कुणबी समाजातील असुन गरीब कुटुंबातील आहेत या विद्यार्थांची आई मोलमजुरी करुन कुटुंबाचे उदरनिर्वाह करतात. वैष्णवी ठाकरे इयत्ता- ८वी या विद्यार्थिनीला गांधरे गावातीलच उच्चशिक्षित प्रणव भोईर या तरुणाने त्यांच्या मित्रांच्या मदतीने शैक्षणिक साहित्य दिले. तसेच यापुढेही काही शैक्षणिक मदत लागली तर जन ग्रामिण सेवा संस्था मदत करणार असल्याचे संस्थेचे अध्यक्ष अनंता वनगा यांनी सांगितले.

19-3-2017 उर्जेनी ता वाडा मोफत आरोग्य तपासणी

ऐंनशेत ग्रामपंचायत सदस्य दयानंद हरल यांंच्या वाढदिवसा निमित्त मोफत वह्या वाटप!

आज दि १-८-२०२३ रोजी ऐंनशेत ग्रामपंचायत मधील पेठरांजणी जि प शाळा येथील गरिब कुटूबींयातील १ ली ते ५ वी च्या विद्यार्थांना जन ग्रामीण सेवा संस्थेच्या वतीने मोफत वह्या व पेन वाटप करण्यात आले, सदर जन ग्रामीण सेवा संस्था ही आरोग्य व शैक्षणिक क्षॆत्रांत ग्रामीण भागात काम करत असते,तसेच संस्थेच्या वतीने गरजू विद्यार्थांना दरवर्षी मदत केली जाते,आज पेठरांजणी येथील जि प शाळेत वह्या वाटप करत असताना ऐनशेत ग्रामपंचायत सदस्य दयानंद हरल,संस्थेचे उपाध्यक्ष अरुण खुलात,खजिनदार नितीन दळवी,जगदीश केणे,रविद्र मोरे,संदेश वाघ,जगन मोरे व शिक्षिका निकिता ठाकरे उपस्थित होते!

आज दि १९/११/२०२३ रोजी क्रांतिवीर भगवान बिरसा मुंडा यांच्या जयंती निमित्ताने वाडा शहरात मिरवणूक सोहळा...

जन ग्रामिण सेवा संस्था आयोजित आयडीयल जनरल हॉस्पिटल यांच्या सहकार्याने जिल्हा परिषद शाळा कवटेपाडा ता.वाडा , जि. पालघर येथे सोमवार दि.२५/१२/२०२३ रोजी सकाळी १० ते दुपारी २ वाजेपर्यत मोफत आरोग्य तपासणी शिबिर आयोजित केले होतेे ,

सदर आरोग्य शिबिरात विविध आजारांवर तपासणी करण्यात आली,लहान मोठ्या सर्वानी या शिबिरात मोठ्या संख्येने उपस्थिती लावुन तपासणी केली,या शिबिरात जवळ -जवळ 200 जणांनी आपली तपासणी करुन घेतली , ....... या शिबिरात जन ग्रामिण सेवा संस्थेचे अध्यक्ष मा. अनंता वनगा , वाडा नगरपंचायत नगरसेवक तथा जन ग्रामिण सेवा संस्थेचे उपाध्यक्ष मा. अरुण खुलात,संस्थेचे सदस्य जगदिश केणे,ऐनशेत ग्रामपंचायत सदस्य दयानंद हरळ,आदिवासी मुक्ती मोर्चा सामाजिक संघटना वाडा शहर कमिटी अध्यक्ष सुनिल तुंबडा,सदस्य अर्जुन गडग,आयडीयल जनरल हॉस्पिटलचे डॉ,श्रेयश गडग,डॉ. वैभवी , जितेंद्र तरे,देवीदास कांबेरे व इतर स्टाफ हे उपस्थित होते,जिल्हा परिषद शाळा कवटेपाडा येथील मुख्याधापक मा. राजेश पाटील सर,सहशिक्षक महेंद्र शनवारे सर हे सुद्धा उपस्थित होते . तसेच ओमकार मित्र मंडळ वाडा कवटेपाडा चे सदस्य गुरुनाथ भोईर , विशाल उंबरसाडा , विनोद घाटाळ , सुधिर उंबरसाडा,सुनिल कवटे , शिवराम म्हसकर हे उपस्थित होते ... या शिबिराचे आयोजन आदिवासी मुक्ती मोर्चा सामाजिक संघटना वाडा शहर कमिटी व ओमकार मित्र मंडळ वाडा कवटेपाडा यांनी केले होते.

दि १२/४/२०२४ आमचे मित्र महेद्रजी ठाकरे साहेब यांच्या वाढदिवसाच्या निमित्ताने शुभेच्छा देताना जन ग्रामीण सेवा संस्थेचे अध्यक्ष श्री अनंता वनगा,तसेच चद्रकांत केणे,जगदीश केणे,गुरुनाथ बसवंत,योगेश वाघ उपस्थित होते, तसेच मी दरवर्षी महेद्रजी ठाकरे यांच्या वाढदिवसा निमित्त रक्तदान करत असतो या वर्षी रक्तदान शिबिरात मी माझे ३१ वे रक्तदान केले!

मी एक रक्तदाताही आहे!

दि १५/६/२०२४ रोजी साखरे येथील आश्रमशाळेत भेट दिली व आश्रमशाळा परिसरात वतीने झाडांचे रोपे लागवड केली,त्यावेळी जन ग्रामीण सेवा संस्थेचे अध्यक्ष अनंता वनगा,आश्रमशाळेचे मुख्याध्यापक,शाळेची दक्षता समिती,प्रकल्प कार्यालयातील अधिकारी उपस्थित होते! तसेच ज्या कुटूबीयांची गरीबीची परिस्थीती आहे अशा कुटूबींयाच्या ५वी,६वी,७वी,८वी च्या चार विद्यार्थांचे प्रवेश करायला लावले,

वाड्यात वनविभागाच्या वतीने अमृतवृक्ष आपल्या दारी कार्यक्रमाचे आयोजन. आज सोमवार दि. ०१/०७/२०२४ रोजी वाडा खंडेश्वरी नाका येथे वन विभाग जव्हार,वन परिक्षेत्र पश्चिम वाडा यांच्या वतीने अमृतवृक्ष आपल्या दारी या कार्यक्रमाचे १ जुलैला दरवर्षी प्रमाणे या वर्षी सुद्धा आयोजन केले होते. याप्रसंगी जन ग्रामिण सेवा संस्थेच्या वतीने वनपट्टे धारकांनी आपल्या शासनाने दिलेल्या प्लाॅटमध्ये जास्तीत जास्त फळ झाडे व इतर झाडांची लागवड करुन त्याचे संगोपन करुन वनविभागाला सहकार्य करण्याचे आवाहन करण्यात आले. यावेळी जन ग्रामिण सेवा संस्थेचे अध्यक्ष श्री.अनंता वनगा साहेब , वाडा नगरपंचायत नगरसेवक तथा पाणी पुरवठा सभापती श्री.अरुण खुलात साहेब,वनविभागाचे श्री.एस.एस भालेराव,वनपाल वाडा अस्मिता गावित,वनरक्षक वाडा सोनाली बदादे, वनरक्षक कादिवली श्री.सुनिल जाधव, वनपाल नेहरोली श्री.अमोल जगदाळे, वनपाल सोनशिव श्री. पांडुरंग पाटील, कार्यालयीन वनपाल, श्री. विजय सुर्यवंशी,वनरक्षक तपासणी नाका श्री. किशोर भागडे,वनरक्षक मांडवा श्री. दिलीप पाटील,वनमजुर श्री.मनोज कोदे तसेच कुयलू ग्रामपंचायतचे सरपंच श्याम भावर,सामाजिक कार्यकर्ते अभिषेक पाटील,सागर भोईर,ललीत राऊत हे उपस्थित होते.

ग्रामीण भागातील आदिवासी समाजातील विदयार्थांना शिक्षणाची ओढ लागावी व गोरगरीबांची मुले शिक्षणा पासून वंचित न राहता पुढे यावीत म्हणून मुबंई येथे राहणारे मंदार मोरे, मिनल मोरे यांनी जन ग्रामीण सेवा संस्थेचे अध्यक्ष अनंता वनगा यांच्या माध्यमातुन संपर्क साधुन आज दि १५/९/२०२४ रोजी वाडा तालुक्यातील नांदणी जिल्हा परिषद शाळेतील पहिली ते चौथीच्या एकूण चाळीस विद्यार्थांना शैक्षणिक साहित्य व खाऊ वाटप करणेत आला त्यावेळी जन ग्रामीण सेवा संस्थेचे अध्यक्ष अनंता वनगा तसेच गुरुनाथ वळवी,विकार लिलका व शाळेचे शिक्षक तसेच विद्यार्थी उपस्थित होते!

आज रविवार दि.२२/१२/२०२४ रोजी जन ग्रामिण सेवा संस्थेचे पदाधिकारी यांनी वाडा तालुक्यातील नांदणी अंभरभुई ग्रुप ग्रामपंचायत अंतर्गत डवलेपाडा ,बामणशेत तसेच पालघर तालुक्यातील जाणसई खैरे वेहलोळी वरई ग्रुप ग्रामपंचायत अंतर्गत खंडीचापाडा , शीळशेत या विकासापासुन वंचित असलेल्या गाव - पाड्यांच्या भेटी घेवुन समस्या जाणुन घेतल्या.

आज दि ११ /२/२०२४ रोजी वाडा तालुक्यातील सोनाळे गावात स्थानिक आदिवासींच्या रोजगार हमी योजना बाबत समस्या जाणून घेतल्या त्यावेळी.

दि १२/११/२०२४ आपण गोर-गरिब जनतेच्या सामाजिक कामांना प्राधान्य देत असतो-अनंता वनगा अध्यक्ष- जन ग्रामीण सेवा संस्था ! भिवंडी ग्रामीण विधानसभा मतदार संघात असणारा सोनशिव मधील घाटाळ पाडा येथील बोअरवेल नादुरुस्त झाल्यामुळे स्थानिक महिलांना पाण्यासाठी वणवण भटकावे लागत होते,बोअरवेल शिवाय इतर पिण्याची कुठलीही सोय नाही सदर स्थानिकांनी आपल्याला माहिती दिली असता वाडा पं स मधील पाणीपुरवठा कर्मचार्यांना सोबत घेवुन गेलो व स्वत उभे राहून बोअरवेल दुरुस्ती करुन घेतली व स्थानिकांची पिण्याच्या पाण्याची समस्या सोडवली!

२४/९/२०२४ पालघर ओहळावरील मंजुर साकाव बांधा अनंता वनगा यांचे पालघर तहसिलदार यांना निवेदन पालघर तालुक्यातील वसरे खडकोली ग्रामपंचायत अंतर्गत डोंगरीपाडा हा १०० टक्के आदिवासी लोकवस्ती असलेला पाडा आहे.सदर डोंगरीपाड्यात जाण्यासाठी मोठा ओहळ आडवा येतो त्यावर साकाव व्हावा म्हणुन स्थानिक रहिवासी तसेच आम्ही सुद्धा वारंवार पाठपुरावा केला आहे परंतू संबधित अधिकारी दुर्लक्ष करत आहेत. सदर ओहळावर सार्वजनिक बांधकाम विभाग पालघर यांच्याकडे साकाव मंजुर असुन त्या कामाची वर्कऑर्डर सुद्धा झाली आहे तरी सुद्धा प्रत्यक्ष कामाला सुरुवात झालेली नाही म्हणुन आपण सार्वजनिक बांधकाम विभाग (PWD) कार्यालय यांना आदेश देवुन त्वरीत कामाला सुरवात करण्यास सांगावे असे तहसिलदार यामना सांगण्यात आले. ओहळावरील साकाव झाल्यास स्थानिक रहिवासांना मोठा दिलासा मिळेल,पावसाळ्यात त्यांचा जो मुख्य गावाशी तुडणारा संपर्क या साकावामुळे जोडता येईल त्यामुळे या साकावामुळे विद्यार्थी,नोकरदार,मजुर,शाळेवर येणारे शिक्षक,वृद्ध यांची समस्या सुटणार आहे. जर साकावाचे काम सुरु न झाल्यास डोंगरीपाडा येथील स्थानिक आदिवासी बांधवांसोबत आपल्या कार्यालयासमोर आंदोलन केले जाईल असा अनंता वनगा यांनी निवेदनाद्वारे इशारा दिला आहे. निवेदन देताना आदिवासी मुक्ती मोर्चा सामाजिक संघटनेचे अध्यक्ष अनंता वनगा,ग्रामपंचायत सदस्य पूजा पिलेना,एकनाथ पिलेना,बेबी सुतार,पिंडी पिलेना,योगेश बसंवंत,भाविका पिलेना,दिपाली करपट,स्वप्नील दळवी तसेच स्थानिक रहिवासी उपस्थित होते!

दि २३/९/२०२४ वाडा तालुक्यातील आदिवासी पाड्यांवर नागरी सुविधा मिळाव्यात म्हणुन आदिवासी मुक्ती मोर्चा सामाजिक संघटनेची मा. उपविभागिय अधिकारी साो. वाडा यांच्याकडे चर्चेसाठी संयुक्त मिटिंगची मागणी. वाडा तालुक्यातील ज्या आदिवासी लोकवस्तीला नागरी सुविधा न मिळाल्यामुळे त्या लोकवस्तीला अनेक संकटांना सोमोरे जावे लागते, वेळोवेळी संबंधित कार्यालयात रितसर पत्रव्यवहार करुन प्रशासनाचे लक्ष वेधण्याचे काम आम्ही केले आहे ,परंतु संबंधित अधिकारी जाणुन बुजुन दुर्लक्ष करत आहेत . म्हणुन गाव पाड्यात राहणारे आदिवासी बांधवांना प्रचंड त्रास सहन करावा लागत आहे ,या सर्व विषयांवर चर्चा करण्यासाठी संबंधित कार्यालयाचे संबंधित अधिकारी त्या त्या आदिवासी वस्तीतील स्थानिक रहिवासी तसेच आदिवासी मुक्ती मोर्चा सामाजिक संघटनेचे पदाधिकारी यांची संयुक्त मिटिंग लावावी असे सुद्धा निवेदनात म्हटले आहे. # वाडा तालुक्यातील देवघर ग्रामपंचायत अंतर्गत डोंगरीपाडा येथील आदिवासी वस्तीला नागरी सुविधा मिळाव्यात म्हणुन संबंधित सर्वच कार्यलयात वेळोवेळी पत्रव्यवहार करुन सुद्धा प्रशासनाचे झालेेले दुर्लक्ष. # ग्रुप ग्रामपंचायत कळंभे येथील कुवारी पाडा येथे नविन विद्युत कनेक्शन देण्याबाबत वीज वितरण कार्यालयास मागणीपत्र व ठराव देवुन सुद्धा संबंधित कार्यालयाचे आदिवासी वस्तीवर जाणुन - बुजुन दुर्लक्ष केले आहे. # ओगदा ग्रामप़चायत मधील १) मोहमाल ते ताडमाल , २) मशाची मोरी ते मोहमाल ३) ओगदा पैकी मेनरोड ते तिळमाल स्मशानभुमिकडे जाणारा रस्ता तयार करणे बाबत ३/२ चा प्रस्ताव तयार करण्यासाठी गटविकास अधिकारी पंचायत समिती वाडा तसेच वनक्षेत्रपाल परळी वन्यजीव यांना निवेदन देवुन सुद्धा कुठलीच कार्यवाही केलेली नाही. # ग्रुप ग्रामपंचायत गातेस मधील आदिम जमातीस पक्की घरे बांधण्यासाठी गावठण जागा उपलब्ध नाही त्यामुळे हे कुटुंब नदीपात्राजवळ कच्ची घरे बांधुन राहतात परंतु पुराचे पाणी आल्यावर त्यांना ती घरे व संसार सोडुन वनविभागाच्या मोकल्या जागेत यावे लागते , या आदिम जमातीने गावठण साठी वेळोवेळी पत्रव्यवहार केले आहे परंतु संबंधित प्रशासनाने यावर सुद्धा कुठलीच कार्यवाही केलेली नाही. # वाडा नगरपंचायत क्षेत्रात गोरगरीब लोकांसाठी घरकुल योजना राबवावी यासाठी वेळोवेळी पत्रव्यवहार केला आहे ,परंतु ६ वर्षात वाडा नगरपंचातने घरकुल योजना राबवली नाही,वाडा नगरपंचायत क्षेत्रात असलेल्या कुड्यांच्या घरांना प्रथम घरकुल योजनेचा लाभ अशी मागणी आम्ही वेळोवेळी केली आहे परंतु प्रशासनाकडुन कुठलीच कार्यवाही होताना दिसत नाही. म्हणुन आदिवासी मुक्ती मोर्चा सामाजिक संघटनेच्या वतीने मा. उपविभागीय अधिकारी साो. वाडा यांना निवेदन देवुन संबंधित सर्व कार्यालयाचे अधिकारी त्या त्या आदिवासी वस्तीतील स्थानिक रहिवासी व आदिवासी मुक्ती मोर्चा सामाजिक संघटनेचे पदाधिकारी यांची संयुक्त मिटिंग लावावी अशी मागणी.उपविभागीय अधिकारी साो. वाडा यांना निवेदनाद्वारे केली आहे. यावेळी संघटनेचे संस्थापक अध्यक्ष मा.अनंता वनगा,जिल्हा कमिटी सदस्य प्रकाश वाघ,लहु बसवंत,वाडा तालुका कमिटी अध्यक्ष गुरुनाथ वळवी,उपाध्यक्ष विकास लिलका, सचिव जितेंद्र चौरे तसेच पदाधिकारी व कार्यकर्ते उपस्थित होते.

भिवंडी तालुक्यातील गणेशपुरी भागातील मजुरांशी चर्चा जन ग्रामीण सेवा संस्थेचे अध्यक्ष अनंता वनगा

जव्हार तालुक्यातील अतिदुर्गम भागात जावून रोजगार हमी योजनेत काम करणारया मजुरांची समस्या समजून घेतल्या!

2018 वाडा तालुक्यातील उसर येथील वनविभागाच्या जमिनीत भात शेती करुन आपल्या कुटूबांचा उदारनिर्वाह करणारयांच्या वनहक्क फाँरेस्ट प्लाँट नावांवर करणे बाबत फाईल्स मधील कागदपत्र तपासणी करत असताना!

2020 वाडा तालुक्यातील गारगाव डोंगरपाडा आदिवासी लोकवस्ती मध्ये जाण्यासाठी पक्का रस्ता नाही आजही शाळकरी विदयार्थी,वृद्ध,महिला,आजारी लोक या पायी रस्त्यांचा वापर करत आहेत त्याची पहाणी करत असताना!

2021 वाडा तालुक्यातील दाढडे डोंगरपाडा आदिवासी लोकवस्ती मध्ये जाण्यासाठी पक्का रस्ता नाही,पावसाळ्यात डोंगरांचे पाणी ओहळात भरून वाहते,आजही शाळकरी विदयार्थी,वृद्ध,महिला,आजारी लोक या पायी रस्त्यांचा वापर करत आहेत त्याची पहाणी करत असताना!

2022 पालघर तालुक्यातील खडकोली वसरे येथील डोंगरी पाडयात जाण्यासाठी मोठा ओहळ लागतो तिथे जावुन पहाणी केली तसेच जिल्हाधिकारी पालघर यांना आदिवासी गाव जोडण्यासाठी ओहळात साकाव बांधणेची मागणी केली!

2023 वाडा तालुक्यातील मोहमाळ व ताडमाळ पाचघर आदिवासी गाव-वस्त्यांची पहाणी केली!

2023 वाडा तालुक्यातील पिंपळास येथे आदिवासी समाजाच्या महिलांना कपडे वाटप केले!

2020 जव्हार तालुक्यातील देहरे आश्रमशाळेत जावून विद्यार्थांशी संवाद साधला,

9 आँगस्ट २०२३ रोजी रक्तदान शिबिराचे आयोजन करण्यात आले!

2017 डाहे मुरबीचा पाडा रोडला रोजगार हमी योजनेच्या कामाचे भुमिभुजन केले!

दि २५/२/२०१८रोजी वाडा तालुक्यांतील डाहे आंबातपाडा या ठिकाणी ठक्कर बाप्पा योजनेतून मंजूर झालेली विहीर ज्या जागेवर बांधायची आहे त्या ठिकाणी नारळ फोडून शुभारंभ केला सोबत वाडा पंचायत समिती पाणी पुरवठा विभागाचे प्रमोद भोईर साहेब,माजी सरपंच राजेंद्र गवळी,मा ग्रामपंचायत सदस्य राजू बात्रा,अशोक तांबडे,चंद्रकांत खांजोडे व गावातील नागरीक :-अनंता वनगा

जन ग्रामीण सेवा संस्थेच्या वतीने मदत चार दिवसापुर्वी शहापूर विधानसभा मतदार संघातील गारगाव जि प गटातील दत्तु गणपत पढेर रा मांगरूळ गावित पाडा यांच्या घराला आग लागुन पुर्ण घर जळुण खाक झाले होते,दि ७/३/२०२५ रोजी कार्यकर्त्यां सोबत जावुन या कुटूबीयांची भेट घेतली तसेच जन ग्रामीण सेवा संस्थेच्या वतीने घरगुती सामान दिले! लवकरच या कुटूबीयांना घरकुल मिळावे म्हणुन संबधीत अधिकरयांची भेट घेणार!

आज दि २५/४/२०२५ रोजी विक्रमगड विधानसभा मतदार संघात येणारया वाडा तालुक्यातील देवघर येथील डोंगरीपाडा येथे भेट दिली त्यावेळी सरपंच भरत सांबरे तसेच जगदीश केणे ही सोबत होते,सदर या डोंगरी पाडयात १००% आदिम जमातीची कुटुंबे राहत असून या डोंगरी पाड्यात वीज,घरकुल योजना,रस्ता,पिण्याचे पाणी,अंगणवाडी या नागरी सुविधा झाल्या पाहिजेत त्यासाठी दि ७/८/२०२३ पासुन आदिवासी मुक्ती मोर्चा सामाजिक संघटनेच्या वतीने पाठपुरावा सुरु केला,आज रोजी डोंगरी पाड्यात पहाणी केली असता ९० घरकुले मंजूर असून त्यापैकी काही घरकुले बांधण्यास चालू आहेत,विजेचे विद्यूत पोल उभे केले असून विद्यूत तारही खेचलेली आहे फक्त ट्रान्सफार्मा बसवणे बाकी आहे तसेच इतर नागरी समस्यांबाबत पाठपुरावा चालू आहे!यासाठी देवघर ग्रामपंचातचे सरपंच भरत सांबरे यांचे खुप सहकार्य आहे,नेहमी विकासात्मक भुमिका असते त्यामुळे कामे होतात!!

हा पुरस्कार म्हणजे माझ्या सोबत काम करणारया सर्व कार्यकर्त्यांचा सम्मान - अनंता वनगा दि २४/४/२०२५ रोजी वाडा शहरातील पी जे हायस्कूल वाडा येथे मराठा सेवा संघ महाराष्ट्र आयोजित जिजाऊ रथ यात्रा निमित्त पालघर जिल्हा बहुजन समाज भुषण पुरस्कार २०२५,, देऊन आपल्या सामाजिक कार्याची दखल घेतली! सदर पुरस्कार उपस्थित मान्यवर तसेच माझी मुलगी यश्वी व जन ग्रामीण सेवा संस्थेचे सदस्य जगदीश केणे यांना सोबत घेऊन स्विकारला,त्याबद्दल आयोजनांचे मनपुर्वक आभार!

ग्रामीण भागातील नागरिकांनी अजून किती दिवस अंधारात राहायचे,वीज नाही मुलभूत सुविधा नाहीत. अजुन नागरी सुविधा मिळण्यासाठी किती वर्ष वाट पहावी लागणार - अनंता वनगा शहापूर विधानसभा मतदार संघात वाडा तालुक्यातील पुर्वभाग ओगदा हे गाव येत असुन या ग्रामपंचायत अंतर्गत येणारे मोहमाळ,ताडमाळ,तिळमाळ,खोडदे,फणसपाड्यातील ( बुधरपाडा ) हे पाडे अजूनही विकासा पासून वंचित आहेत,रस्ते,पाणी,विजेसाठी स्थानिकांचा संघर्ष सुरूच आहे, आज दि १३/५/२०२५ रोजी आपण फणसपाड्याजवळील बुधरपाडयाची पहाणी केली,आजही घरांमध्ये वीज पुरवठा नाही,अंधारात लोक राहतात,आत्तातर पाऊस सुरु होणार साप,विंचू या पासून सांभाळावे लागते असे महिला बोलत होत्या,पाण्यासाठी वणवण भटकावे लागते,पाण्याची गाडी येते फणस पाडयात,पण आमच्या पाडयाजवळ येतच नाही,खुपच पाणी टंचाई आहे,अधिकारी तसेच लोकप्रतिनिधी लक्षच देत नाही असे स्थानिकांचे म्हणने आहे, आपण या पाड्याची स्व:त पहाणी केली आणी विजवितरण कार्यालयाचे अधिकारी यांच्याशी स्थानिकांना सोबत घेऊन प्रत्यक्ष भेट घेऊन वीज पुरवठा बाबत चर्चा केली,स्थानिकांनी जानेवारी २०२५ ला आॅनलाईन अर्ज केले आहेत असे निर्दशनास आणुन दिले आणी लवकरच या बुधर पाडयात विजेचे खांब उभे करुन विजपुरवठा केला जाईल असे अधिकारयांनी सांगितले!

* अनंता वनगा यांनी विक्रमगड विधानसभा मतदार संघातील मोखाडा येथील गभालपाडा व विहिरीची केली पहाणी ३/५/२०२५ पालघर जिल्ह्याच्या ग्रामीण भागात प्रचंड पाणी टंचाई असुन शासनाने जल जिवन मिशन योजना आणली परंतू ही योजना जनतेसाठी नसून ठेकेदारांसाठीच आहे असे ग्रामीण भागातील पाणी टंचाई गाव पाडयांतील जनता बोलत आहे,मोठ्या प्रमाणात पाणी टंचाई असताना स्थानिक प्रशासन उदासीन दिसत आहे,विहीरी आहेत तर त्यामध्ये पाणी नाही,एक एक किलोमीटरवर जाऊन पाणी आणावे लागते,रोजगार नाही रोजगारासाठी स्थलांतर व्हावे लागते,नगरपंचायत हद्दीमध्ये असल्याने घरकुले नाहीत असे मोखाडा शहरातील गभालपाडा वाडीमधील नागरिकांनी अनंता वनगा यांच्या समोर समस्यांचा पाढा वाचला,लवकरच आपण शासनदरबारी आपल्या समस्यांचा पाठपुरावा करु असे स्थानिक नागरिकांना अनंता वनगा यांनी सांगितले!

१६/७/२०२५ आलमान गावातील चार महिलांना शासकीय योजनांचा लाभ मिळवून दिल्यामुळे खुप आनंदी झाल्या,या महिला वाडयात आल्या आणी माझी भेट घेऊन आपले आभार मानले!

अनुसूचीत जाती जमाती आयोग महाराष्ट्र राज्याचे सदस्य (सचिव दर्जा) सौ वैदही वाढाण यांचा दि ३०/७/२०२५ रोजी पालघर जिल्हा दौरा असताना त्यांना निवेदन देऊन विविध समस्यांबाबत चर्चा करत असताना!

जागतिक आदिवासी दिनानिमित्त वाडा येथे भव्य रक्तदान शिबिराचे आयोजन आदिवासी मुक्ती मोर्चा सामाजिक संघटना तसेच जन ग्रामिण सेवा संस्थेच्या वतीने जागतिक आदिवासी दिनानिमिताने गुरुवार दि. 07/08/2025 रोजी खंडेश्वरी नाका येथे भव्य रक्तदान शिबिराचे आयोजन केले होते. मागील काही वर्षांपासून जागतिक आदिवासी दिनी हा रक्तदानाचा कार्यक्रम केला जातो. रक्तदान हेच श्रेष्ठदान या सामाजिक भावनेतून अनेक रक्तदाते या शिबिरात येऊन रक्तदान करतात. आजपर्यंत या शिबिराच्या माध्यमातून आयोजकांनी अनेक गरजू रुग्णांना रक्त उपलब्ध करून देऊन जिवनदान देण्याचे कार्य केले आहे. या सामाजिक उपक्रमास तालुक्यातील अनेक राजकीय पक्षाचे पदाधिकारी, सामाजिक कार्यकर्ते, पत्रकार, शिक्षक, आणि इतर मान्यवर येऊन कार्यक्रमांची शोभा वाढवतात. या रक्तदान शिबिरासाठी दरवर्षी पतंगशाह कुटीर रुग्णालय रक्तकेंद्र जव्हार यांच्या टीमचे तसेच रक्तदात्यांचे विशेष सहकार्य लाभल्यामुळे कार्यक्रम यशस्वी होण्यास मदत झाली. रक्तदान शिबिरासाठी हिंगलाज माता मंदिर ट्रस्ट वाडा यांनी हॉल उपलब्ध करून दिल्या बद्दल आयोजकांच्या वतीने या सर्वांचे आभार मानण्यात आले. कार्यक्रमाच्या उद्धाटन प्रसंगी संघटनेचे अध्यक्ष अनंता वनगा, पालघर जिल्हाधक्ष अरुण खुलात, जिल्हा कमिटी सदस्य संतोष जाधव, नाऊ माळी, जन ग्रामिण सेवा संस्थेचे खजिनदार नितीन दळवी,जगदीश केणे,संघटनेचे वाडा तालुका अध्यक्ष गुरुनाथ वळवी,संजय मोरघा,विकास लिलका,सुनिल तुंबडा वाडा शहर अध्यक्ष नरेश ठाणगे,आशिष भोमटे,सुदाम उंबरसाडा यांसह सामाजिक कार्यकर्ते तथा संयुक्त उत्सव कमिटी सचिव संतोष साठे, संयुक्त उत्सव कमिटी कार्याध्यक्ष कल्पेश ठाणगे उपस्थित होते तसेच आदिवासी मुक्ती मोर्चा सामाजिक संघटनेचे पदाधिकारी व कार्यकर्ते मोठया प्रमाणात उपस्थीत होते.

पोषण अभियान ८ वा २०२५ २ आॅक्टोंबर ते १६ आॅक्टोंबर समारोप सोहळा विष्णूनगर येथील अंगणवाडी येथे साजरा करणेत आला सुदृढ शरीरासाठी व निरोगी शरीरासाठी आहार फार महत्त्वाचे आहे आपल्या ला रोगप्रतिकारक शक्ती वाढविण्यासाठी योग्य आहार घेणे आवश्यक आहे गरोदर राहील्या पासुन ते बाळाच्या जन्मापर्यत मातेने समतोल आहार अशाप्रकारे घ्यावा, आहार चौरस कसा असावा, कोणकोणत्या आहारात कोणते घटक असतात याबाबत प्रत्यक्ष अहार प्रदर्शन आयोजित करुन माता पिता पालक यांना मार्गदर्शन केले पाहुण्यांचे स्वागत ईशस्तवन व स्वागत गीताने केले,पोषन अहार समारोप हा वाडा नगरपंचायत अंगणवाडी च्या वतीने विष्णू नगर या अंगणवाडी केंद्रामध्ये साजरा केला या कार्यक्रमाचे प्रमुख पाहुणे मा.अनंताजी वनगा साहेब यांच्या हस्ते पार पडला तसेच विशेष सावित्रीनगर व विष्णू नगर पालक तसेच गरोदर माता स्तनदा माता किशोर वयीन मुली हजर होत्या त्यावेळी सावित्री बाई फुले महिला मंडळाच्या अध्यक्षा सविता वनगा तसेच बचत गटाच्या महिला शहरातील अंगण वाडीतील सर्व सेविका व मदतनीस उपस्थित होते!

दि २६/१०/२०२५ अनंता वनगा यांना आदिवासी समाज लक्ष्य पुरस्काराने सन्मानित करणेत आले. पालघर जिल्हातील ग्रामिण आदिवासी बहुल भागात आरोग्य,शिक्षण,रोजगार,वेठबिगारी,बालविवाह, कुपोषण,अन्याया विरोधात आवाज उठवणे,इत्यादी विषयांना घरून अनंता वनगा यांनी आपले कार्य सुरु ठेवले आहे.आपण ज्या समाजात जन्मलो त्या समाजाचा काहीतरी देणे लागतो हा निस्वार्थ सेवाभाव जोपासात अनंता वनगा हे सामाजिक शैक्षणिक क्षेत्रात एक आदर्श व्यक्तिमत्व म्हणून काम करीत आहेत. अनंता वनगा यांच्या या कार्यामुळे समाजाच्या सर्वांगिण विकासाला चालना, दिशा व प्रेरणा मिळते,सर्व सामान्य तसेच गोरगरीब जनतेच्या सर्वागिण विकासासाठी झटणारे अनंता वनगा सारखे कार्यकर्ते हे खरे समाजाचे भूषण आहेत. त्यांच्या या कार्याची दखल घेऊन या वर्षीचा आदिवासी समाज लक्ष्य पुरस्कार 2025 देऊन अनंता वनगा यांना सन्मानित करण्यात आले.सदरचा कार्यक्रम हा वाडा येथील पंचायत समितीच्या हाॅलमध्ये पार पडला. यावेळी लक्ष्य सेवाभावी संस्थेचे संस्थापक-अध्यक्ष श्री. किरण भोईर,खजिनदार सौ.किर्ती भोईर,वाडा पोलिस स्टेशनचे सहाय्यक पोलिस निरीक्षक श्री.मानकर साहेब,पोलिस उपनिरीक्षक श्री धांगडा साहेब तसेच कामगार नेते श्री महेंद्रजी ठाकरे यांच्या हस्ते आदिवासी समाज लक्ष्य पुरस्कार २०२५ या पुरस्काराने अनंता वनगा यांना सन्मानित करण्यात आले. सामाजिक कार्यकर्ते अनंता वनगा यांना आदिवासी समाज लक्ष्य पुरस्कार 2025 मिळाल्याबद्दल सर्व स्थरातून त्यांच्यावर शुभेच्छांचा वर्षाव होतो!

दि २०-५-२०२३ रोजी महाराष्ट्राचे मुख्यमंत्री मा एकनाथजी शिंदे साहेब यांची बोईसर येथे भेट घेतली!

डहाणू तालुक्यातील धानिवरी गावात आदिवासी समाजाच्या कुटूबीयांना त्यांच्या स्वतच्या राहत्या घरातून प्रशासनाने महिलांना जबरदस्तीने अंगावरील कपडे निघेपर्यत फरफटत बाहेर काढले व घरे पोक्लेनने तोडली,एक महिना झाल्यावरही कार्यवाही झाली नसल्याने जिल्ह्यातील संघटना एकत्र येवून त्यांच्या प्रतिनिधींनी मा मुख्यमंत्री महोद्यांची भेट घेवुन सविस्तर सांगितले!